Abuztuaren 30ean Bera Berak denboraldi honetako taldea aurkeztuko du
(Argazkia: Bera Bera) Bera Berak datorren asteartean, abuztuak 30, arratsaldeko 19:00etan, 2022-2023 denboraldiko taldea aurkeztuko du Miramar Jauregian. Eskubaloizko taldeak zaletuei gerturatzea eskatu die, kanpaina berria bertan ezagutaraziko dutelako eta ekitaldia taldeari buruzko irudiz beteta egongo delako. Joan den urtean Bera Berak liga irabazi zuen eta aurten garaipena errepikatu nahi dute. Irailaren 2an, 18:15etan, ligako lehenengo jardunaldia izango dute eta Malaga Costa del Sol talde andaluziarraren aurka lehiatuko dira, Bidebietako Polikiroldegian.
