Zabalik dago Aieteko jaietako bigarren eskuko azokan postua jartzeko izen ematea
Aieteko jaiak. (Argazkia: Lantxabe auzo elkartea) 
Bigarren eskuko azoka eta truke azoka egingo dituzte Aieteko jaietan, irailaren 10ean. Norberak erabiltzen ez dituen produktuak saldu edo beste produktu baten truke aldatzeko aukera izango da Etxadin, 11:00etan hasi eta 13:30era arte.
Gainera, giroa alaitzeko, Lindy Hop dantza saioa eta umeentzako zirku tailerra ere izango dira bertan.
Antolatzaileek jakinarazi dutenez, azokan postu bat jarri nahi duenak dagoeneko izena eman dezake aieteneuskaraz@gmail.com helbidera idatziz.
