Bulebarra moztuta egongo da abuztuaren 31n
Dbuseko autobusak Bulebarrean. Irati Salsamendi Asteazkenean, abuztuaren 31eko ospakizunak direla eta, Bulebarra moztuta egongo da 18:30etatik 20:00etara. Horren ondorioz, Dbuseko autobus batzuek aldaketak jasango dituzte haien ibilbidean. Ibilbidea Bulebarrean bukatzen zuten batzuk Okendo kalean amaituko dute eta beste batzuk Gipuzkoa plazan. Jarraian Dbusek egingo dituen aldaketak ikus ditzakezue:
- 5-Benta Berri eta 25-Benta Berri-Añorga: Azkeneko geltokia Okendo kalera aldatuko dute.
- 21-Mutualitateak-Anoeta, 26-Amara-Martutene eta 28-Amara-Ospitaleak: Azkeneko geltokia Okendo kalera aldatuko dute.
- 13-Altza: Boulevardeko geltokia Askatasunaren Hiribidea 3ra eramango da eta Kursaaleko geltokia Colón pasealekura eramango da.
- 14-Bidebieta: Kursaal geltokia Colón 17ra lekualdatuko da.
- 8-Gros-Intxaurrondo, 9-Egia-Intxaurrondo, 29-Hego Intxaurrondo Sur eta 42-Aldapa-Egia: Boulevardeko eta Askatasunaren Hiribideko geltokiak Etxaide kalera lekualdatuko dira (behin-behineko zutoina). Kursaal geltokia Colon pasealekuan egingo da.
- 16-Igeldo, 18-Seminarioa eta 19-Aiete-Bera Bera: Gipuzkoa plazan edo Okendo kalean edukiko dute azken geltokia.
- 31-Intxaurrondo-Ospitaleak-Altza: Boulevardeko geltokia kendu egingo da eta Gipuzkoa Plazara lekualdatuko da (14 linearen geltokia). Kursaaleko geltokia Colón pasealekura eramango da.
- 37-Rodil-Zorroaga: azken geltokia ohi bezala Gipuzkoa Plazan egingo du. Kursaaleko geltokia Colón pasealekura eramango da.
