Realak datorren astean hasiko du Europako ibilbidea
Jon Bautista baloi baten lehian, Realak Old Trafforden jokatutako azken neurketan. (Argazkia: Reala) 
Pasa den ostiralean egin zuten Europa ligako zozketa, eta Realari E multzoa egokitu zitzaion, Manchester Unitedekin, Sheriff Tiraspolekin eta Omoniarekin. Horrela, Manchester (Ingalaterra), Tiraspol (Moldavia) eta Nikosia (Zipre) bisitatuko ditu talde txuri-urdinak. Hain zuzen ere, datorren astean abiatuko du Realak denboraldi honetako Europako abentura, eta azaroan amaituko du multzokako fasea. Jarraian, txuri-urdinek Europa ligan duten egutegi osoa ikus dezakezue:
- Irailak 8, osteguna: Manchester United – Reala (21:00).
- Irailak 15, osteguna: Reala – Omonia (18:45).
- Urriak 6, osteguna: Sheriff Tiraspol – Reala (18:45).
- Urriak 13, osteguna: Reala – Sheriff Tiraspol (21:00).
- Urriak 27, osteguna: Omonia – Reala (21:00).
- Azaroak 3, osteguna: Reala – Manchester United (18:45).
