Uretako hegaztiak Urumean hilda agertu direla salatu dute
Hildako ahate bat Urumea ibaian. (Argazkia: Mari Mar Diaz) 
Uretako hegaztiak hilda agertu dira Urumea ibaian, Donostian, Eguzkik jakinarazi duenez. Duela astebete ere gauza berbera gertatu zela salatu zuen, eta, larunbatean, ahateez gain, Martutenen hildako arrainak ere agertu zirela adierazi zuten: besteak beste, tamaina guztietako 50 aingira. Udaltzainak, Aldundiko zaindariak eta URAko teknikariak agertu ziren inguru horretara, gertatzen ari zena aztertzeko.
“Azkeneraino ikertzea nahi dugu, eta Urumearen ibilguaren hain eremu jakinean arrainak eta hegaztiak hiltzea zerk eragiten duen azaltzea”, nabarmendu du Eguzkik Twitterren.
