Aurten sagardoa, kopan
Beste urtebetez Sagardo egunak kultura eta ospakizuna ekarri du Konstituzio enparantzara. 5.000 lagunetik gora izan dira larunbatean. Giro aparta lagun bertaratu direnek sagardoaren kulturaren inguruan plazan bildutako eskaintza osoaz gozatu ahal izan dute, baita sektoreak ekoiztu dituen produktu berriak ere.
Sagardoa Route – Gipuzkoako Sagardogileen Elkarteko kide diren 38 sagardotegik hartu dute parte aurtengo ekitaldian. Beraiek izan dira 2021 uztak eskaini duena gerturatu direnei dastatzen emateaz arduratu direnak. Trikiti eta bertso doinuez lagunduta zerbitzatu dira 8.000 botila inguru, pintxoez lagunduta.
Aurten, lehenengo aldiz, kopan zerbitzatu da sagardoa, harridura sortuz herritarren artean. Antolatzaileen arabera, harrera ona eduki du aldaketak.
