Keinu hizkuntza ikastaroa eskainiko dute Morlanstarrak auzo elkartean
Zeinu hizkuntza. 
Keinu hizkuntza ikasi nahi duenak horretarako aukera izango du Morlansen, urrian hasi eta maiatzera arte. Eskolak Morlanstarrak auzo elkartearen lokalean izango dira (Leire plazan), eta bi maila izango dira. Hasierako mailako eskolak asteartetan izango dira, 18:15etik 19:15era. Bigarren mailako ikasleek, aldiz, ostegunetan egingo dituzte saioak, 18:30etik 19:30era.
Ikastaroaren prezioa 75 eurokoa da, eta izena eman nahi duenak Isedonosti@gmail.com helbidera idatzita egin ahal izango du, irailaren 26ra arte.
