Ostiralean Poliklinikaren inguruan gertatutako istripu baten lekukoak behar dituzte
Donostiako Poliklinika. 
Auto batek emakume bat harrapatu zuen ostiral eguerdian Donostian, Poliklinikaren inguruan, eta ihes egin zuen. Horregatik, udalak jakinarazi duenez, Udaltzaingoa istripuaren lekukoen bila dabil, gidaria aurkitzeko. Gertatutakoaren lekuko izan zirenak Morlansko polizia etxera joanda edo 943-48 13 00 telefono zenbakira deituta jar daitezke harremanetan Udaltzaingoarekin.
Istripua 15:00ak aldera gertatu zen, auto batek oinezkoen pasabidea gurutzatzen ari zen emakume bat harrapatu zuenean. Emakumeak 28 urte ditu eta erizaina da, eta, hain justu, Poliklinikara lan egitera zihoan istripua gertatu zenean. Kolpe handia jaso zuen buruan, eta bere egoeraren larritasuna ikusita, Donostia Ospitalera eraman zuten, anbulantzian. Zainketa Intentsiboen Unitatean ingresatu zuten, eta bere pronostikoa erreserbatua da.
