Egia Zeinukako ikastaroen izen-ematea irekita dago
Egia Zeinukak antolatutako ikastaroak. (Argazkia: Egia Zeinuka) Irailaren 28rarte Egia Zeinukak antolatzen dituen Zeinu Hizkuntza ikastaroetan parte hartzeko izen-ematea irekita egongo da. Ikastaroak urriaren 4ean hasiko dira eta maiatzararte iraungo dute. Ikastaroen prezioa hilean 15€-koa izango da eta bi ordainketa modu egongo dira: urtekoa 120€-koa, urrian ordainduko dena; eta hiruhilekoa, urrian, urtairrilean eta apirilan 40€ ordainduko direnak. Ikastaroak irakasle gor batek gidatuko ditu eta hauen helburua, zeinu hizkuntza ikasteaz gain, pertsona gorren errealitatera hurbiltzea eta ezagutzea da. Urtean zehar Egia Zeinukak beste jarduera batzuk antolatzen ditu: zeinu potea, zineforuma, ipuin kontalaria eta ikastaro trinkoak, esate baterako. Hedabide honek Egia Zeinukako kideei egindako elkarrizketa bat argitaratu zuen, proiektua ezagutarazteko.
Ikastaroak Egiako Kultur Etxean izango dira, asteartetan eta asteazkenetan. Antolatzaileek jendeak zein egunetan eta ordutan ahalko duen jakin nahi dute eta, horretarako, galdetegi bat prestatu dute. Gainera, Egia Zeinukako kideak Porrontxo jaietan izango dira, larunbatean 12:00etan, Kristinaenean ipuin kontaketa bat egiten.
