15 urteko mutil bat ikertzen ari dira Loiolako Erriberako bortxaketarengatik
(Argazkia: San Sebastian Bella Easo bloga) Ertzaintzak, goizean, 15 urteko mutil bat Adingabeen Fiskaltzaren eskuetan utzi du, Loiolako Erriberetan gertatu zen sexu-erasoaren susmagarri izateagatik. Erasoa irailaren 17an izan zen, gaueko 00:30etan, Loiolako Erriberako jaiak ospatzen ari ziren bitartean. Segurtasun Sailak adierazi duenez, “Ertzaintzak gertakarien berri izan zuenetik egindako ikerketei esker, 15 urteko adingabe bat identifikatu ahal izan dute, eta hainbat eginbide egin zizkioten atzo Gipuzkoako hiriburuko ertzain-etxean, haren gurasoaren aurrean. Gaur, osteguna, goizeko lehen orduan, adingabea Donostiako Adingabeen Fiskaltzan aurkeztu dute, ikertu gisa, sexu-askatasunaren aurkako ustezko delitu batengatik”.
