Donostia Sustapenak herritarrei arreta emateko egoitza berria ireki du
Maria Cristina hotelaren behealdean dago Donostia Sustapenaren egoitza berria. Xabier Etxabe 
Udal sozietate publikoak jendeari arreta emateko bulegoa lekualdatu du Camino kaleko 2. zenbakira. Astelehen honetatik aurrera, urriak 3, Donostiako Sustapenak herritarrei arreta emateko bulegoa Maria Cristina Hotelaren etxabera eramango du, Camino kalea 2, Donostia Sustapenaren jatorrizko egoitzara.
Aldaketa honekin, arreta hobetu nahi du udalak, bere zerbitzuak espazio bakar batean kontzentratuz.
Zerbitzuaren ordutegia honakoa izango da:
• Astelehen eta asteartetan: 09:00etatik 18:00etara.
• Asteazken eta ostegunetan: 09:00etatik 17:00etara.
• Ostiraletan: 09:00etatik 14:00era.
Jendaurreko arreta zerbitzua aldez aurreko hitzorduarekin egingo da, eta hitzordua webgunean hitzartu daiteke: www.fomentosansebastian.eus.
Herritarrei arreta emateko egoitza berrian, besteak beste, honako zerbitzu hauek eskainiko dira: lana bilatzeko laguntza, ekintzaileei arreta ematea, laguntza-eskaerak kudeatzeko euskarria edo Donostiako Sustapenak herritarrei eskaintzen dizkien ekimenei buruzko informazio orokorra.
