Bentaberriko etxebizitza batek su hartu du
Suhiltzaileek denbora behar izan dute Bentaberriko etxebizitza batean piztu den sua itzaltzeko. (Argazkia: Donostiako Udala) 
Gaur eguerdian su hartu du Bentaberriko Antonio Arzak kaleko 4. zenbakiko etxebizitza batek. Suhiltzaileek denbora behar izan dute sua itzaltzeko, eta orain kea guztiz atera behar dute. Udaleko iturrien arabera, ez dago zauriturik. Halere, hiru pertsona artatu dituzte lekuan bertan, ke pixka bat arnastu dutelako.
Su hartu duen etxebizitzak kalte material handiak ditu. Maizterrei ostatu bat eskaini diete, baina senide baten etxean geratuko dira. Suhiltzaileak gertaturikoa ikertzen ari dira.
