Euskaraldiaren murala margotuko dute Zubietan
Zubietako lehen Euskaraldia. (Argazkia: Noaua) 
Ostiralean, hilaren 21ean, Zubietako Errebote plazan elkartuko dira Euskaraldiaren murala margotzeko. 17:00etan geratu dira, eta herritarrei parte hartzera deitu diete. Horrekin batera, Bost teilatu filma proiektatuko dute plazan bertan, 19:30ean.
Hona hemen filmaren sinopsia: “Bost teilaturen azpian jazotako bost istorio labur. Nork bere etxean Krak egin duten Ane eta Mirenen dolua; Ekaitz gazteak eta Inaxio edadetuak baserrian bizi duten katarsiak emandako Arnasa; Michellek jaioterrira itzultzean deskubrituko dituen Hitzak eta bere nortasunaren inguruko galderak; paketea dagokion teilatupera eramateko Erlojupekoa lehiatzen duen mezularia eta, azkenik, Muga inguruan bere buruaren babesteko ihesi doan Kamaru gazte afrikarra”.
