Udalak plaka bat jarriko du Juan de Dios Doval Mateosen omenez
Udalaren omenaldietako bat. (Argazkia: Donostiako Udala) 
Larunbatean, hilaren 29an, ETAk 1980ko urriaren 31n hil zuen Juan de Dios Doval Mateos omenduko du Donostiako Udalak. Honekin, 24 izango dira hirian terrorismoaren eta bortizkeria politikoaren biktimei gune publikoan ikusgarritasuna emateko ekimenaren barruan jartzen dituen plakak.
Omenaldia 12:00etan izango da, Juan Olasagasti kalearen eta Tolosa etorbidearen elkargunean, Lorea eremuan. Plakak jartzeko beste ekitaldiekin egin den moduan, omenaldi xumea izango da. Omenaldian, Donostiako alkate Eneko Goiak, udal taldeetako ordezkariek eta biktimaren senideek parte hartuko dute.
Juan de Dios Doval Mateos, 37 urtekoa, Zuzenbide Prozesaleko irakaslea zen Donostiako EHUko Campusean, Zentro Demokratikoko (UCD) Batasuneko exekutibako kidea, eta bigarrena Eusko Legebiltzarrerako Gipuzkoako zerrendetan. Bi semeren aita, Lorea auzoan bizi zen. Ibilgailuaren barruan ezustean harrapatu zuten, eta suzko armaz egin zioten tiro.
