Euskaraldirako bi prestakuntza saio egingo dituzte Bagera elkartean
Estres linguistikoa landu, euskarari eutsi eta erdarazko elkarrizketak iraultzeko moduez ariko dira. 'Ahobizi' zein 'belarriprest'-entzako saioak izango dira.
Badator Euskaraldia. Azaroaren 18tik abenduaren 2ra ariketa kolektiboa egingo dute hainbat herritarrek, euskaraz hitz egitea inoiz baino errazago izan dadin. Belarriprestek eta ahobiziek aukera berriak izan ditzaten lan egingo dute elkarrekin, auzoz auzo. Aurtengo leloak dioen moduan, Hitzez ekiteko garaia heldu delako. Horretarako, Donostiako Bagera Euskaltzaleen Elkarteak bi formakuntza saio egingo ditu bere egoitzan, Hernani kalean, azaroaren 8an eta 15ean (18:00etatik 19:30era).
Hamabost eguneko ariketan parte hartuko dutenentzako saioak izango dira, ahobizi zein belarriprestentzako. Ahalduntze, prestatze eta partekatze saioak izango direla azaldu du Bagerak. Estres linguistikoari nola aurre egin? Nola gainditu aurreiritziak? Nola izan elkarrizketa elebidunak? Nola irauli erdarazko elkarrizketak? Horrez gain, gure errealitate soziolinguistikoaren nozio batzuk ere emango dituzte, uste duguna baino gehiago ulertzen baitu jendeak euskaraz.
Txapak jaso daitezke jada
Ahobizi eta belarriprest rolentzako txapak puntu hauetako edozeinetan izango duzu aukera. Eta oraindik izena emateko zabalik dago.
Aiete Kultur Etxea: astearte-ostiral 16:00-20:30.
Bagera Elkartea (Hernani kalea, 15): astearte-ostegun 9:00-14:00/16:00-18:00; astelehen-ostiral 9:00-14:00.
Benta Berri Udal Kiroldegia.
Casares Kultur Etxea: astelehen ostiral 10:00-14:00/16:00-20:30.
Egia Kultur Etxea: astelehen-ostiral 16:00-20:30.
Ernest Lluch Kultur Etxea: astelehen ostiral 10:00-14:00/16:00-20:30.
Martutene, Arantzazuko Ama ikastolako Mediatekan.
Euskara Zerbitzua (Konstituzio plaza): astelehen-ostiral 9:00-14:00.
Intxaurrondo Berri Kultur Etxea: astelehen -ostiral 16:00-20:30.
Itsas Aurre (Igeldo).
Añorgan mahaiak jarriko dira.
Koldo Mitxelena: astelehen ostiral 8:30-20:30.
Bidebieta kiroldegia.
Loiola Kultur Etxea: astelehen -ostiral 16:00-20:30.
Loiolako Erribera (mahaiak jarriko dira).
Lugaritz Kultur Etxea: astelehen -ostiral 16:00-20:30.
Morlans (mahaiak jarriko dira).
Okendo Kultur Etxea: astelehen ostiral 10:00-14:00/16:00-20:30.
