Arkaitzerrekaren egoera erakusteko ibilaldi gidatua antolatu dute
(Argazkia: Erraustegiaren Aurkako Mugimendua) 
Zubietako erraustegiaren albotik pasatzen den Arkaitzerreka ibaiak denbora darama kutsatuta. Hori dela eta, Errausketaren Aurkako Mugimenduak ibilaldi gidatua egingo du etzi, hilak 12. Errekaren egoera bertatik bertara erakutsiko dute.
“Agintariek ez dute azalpenik eman, eta bitartean jakin dugu erreka saneamendu sarera konektatuta ezkutatu nahi dutela arazoa”, azaldu dute. GuraSOS elkarteak pasa den astean eman zuen horren berri.
Herritarrei ibilaldian parte hartzera deitu diete. Usurbilgo eta Zubietako plazetatik abiatuko dira 10:30ean. Katiuskak edo mendiko botak eramatea gomendatu dute.
