Artem Pugolovkin errusiarra fitxatu du Txuri Urdinek
Artem Pugolovkin hockey jokalaria, ezkerrean, partida batean. 
Klubaren 50 urteko historian lehen aldiz, KHL Kontinental Hockey Leagueko jokalari bat, izotz hockeyko mundu mailako bigarren Liga garrantzitsuena, NHL Iparramerikarraren atzetik, Txuri Urdin taldean sartuko da aste honetan. Artem Pugolovkin jokalaria klubaren apustu garrantzitsua da denboraldi honetako lehen helburua lortzeko: play-offak lortzea, alegia.
Taldearen arabera, fitxaketa hau ere garrantzitsua da bigarren helburu baterako. Euren iritziz, Artem Pugolovkinek, gizonezkoen lehen taldeari ekarpena egiteaz gain, denboraldi honen hasieran garaipen batzuk lortzen ari diren, eta kirol honetako elite mailako jokalari bat ilusioz hartuko duten txikiei hobetzen eta irakasten lagunduko die.
Bere debuta larunbat honetan izango da, Majadahondaren aurka etxean jokatuko duten partidan.
