Donostiako langileek "iruzur egitea" egotzi diete TAOko enpresei
(Argazkia: ELA sindikatua) 
ELAk, LABek eta CCOOek, Gipuzkoako TAOko mobilizazioen deitzaileek, kontratuetan “iruzurrak” salatu zituzten atzo, greban 20 egun egon ostean eta negoziaketan inolako konponbiderik aurkitu gabe. Sindikatu horiek bilera ugari eskatu dituzte Gipuzkoako udalekin, gatazkan bitartekari izan daitezen; hala ere, tokiko erakundeek erantzun dute gatazko hori “enpresen eta langileen arteko arazoa” dela. Langileek baieztatu dutenez, “zerbitzua ematen duten enpresek iruzurra egiten diete Gipuzkoako herritarrei”.
Adierazi dute Donostiako langileak direla udan Getariara, Zumaiara edo Oriora joaten direnak, zerbitzua garatzen duen enpresa bera baita udalerri horietan guztietan. “Hau da, enpresa esleipendun horrek bi udalen dirua lortzen du, Donostian zerbitzura langile gutxiago bideratuz».
Donostitik hedabideak azaldu duenez, materialaren arazoa “gero eta handiagoa” dela ere salatu dute. “Donostiako Udalak urtean 100.000 euro inguruko aurrekontua du furgoneta eta laneko ibilgailuetarako. Eta enpresa esleipendunak beste udalerri batzuetan erabiliko lituzke baliabide horiek. Furgonetak beste herri batzuetara eramaten dituzte, udaletxeko armarria iman batekin estalita dutela”, azaldu diote langileek hedabide horri.
Bestalde, langile falta da beste oztopo nagusietako bat. Donostiako Udalaren arabera, 96 langilek lan egin beharko lukete azpikontrata horretan. “Gaur egun, Donostian 87 langile daude enpresa esleipendunean alta emanda, hau da, eskaintza % 10murriztu da errealitatera. Horrek esan nahi du enpresak 270.000 euro aurreztuko dituela urtean”, nabarmendu dute.
