Urtea bukatu aurretik eten dute galera
(Argazkia: Ibaeta Basket) 
Ibaeta Basket bolada txarrean zen, atzora arte. Azken sei neurketak galdu ostean, Azu Muguruzaren taldeak garaipen bat behar zuen bai ala bai. Lorpen hori Gaska kiroldegian iritsi zen, etxean, zaleen aurrean. Gernikaren kontrako euskal derbian irabazlea lortu zuten zortzi puntuko aldearekin (69-61). 2022. urtea bukatu aurretik, beste bi partida jokatuko dituzte donostiarrek, hilaren 27an Leganesen pistan eta 30ean Araskiren aurka.
Eskubaloian, Bera Berak bide onetik jarraitzen du. Espainiako Superkopa irabazi berritan, ligan ere beste garaipen bat eskuratu zuten asteazkenean Porriñoren kontra (29-36). Sailkapen nagusiko lehen postuan daude 16 punturekin eta Rocasarekin berdinduta. Hain zuzen ere, urtea bukatu aurretik lehen bi sailkatuak aurrez aurre ariko dira hilaren 28an, Gaska kiroldegian (21:00).
