Astelehenean hasiko dira Jazzaldiko tokiko taldeen hautaketa prozesuko kontzertuak
Les Cuisineres taldeak Jazzaldiko tokiko taldeen hautaketa prozesuan hartuko du parte. (Argazkia: Jazzaldia) 
Urteroko legez, 58. Jazzaldian (uztailaren 21etik 25era) ere Euskal Herriko hainbat talderen kontzertuak ikusi ahalko dira, eta horietako hamar hautatzeko prozesua abiatu du jaialdiak. Hain justu, hamabost taldek hartuko dute parte prozesuan –65 aurkeztu ziren, eta jaialdiak hamabost hautatu ditu, taldeek bidalitako materialean oinarrituta–, eta horietako hamarrek joko dute ondoren Jazzaldian. Gipuzkoako Foru Aldundiak, Katapulta Tour Gipuzkoaren bidez, babesten du prozesua. Bestalde, Jazzaldiak abenduan aurkeztu zuen aurtengo kartela, eta ordainpeko kontzertuak ere iragarri zituen.
Hamabost talde horietako bakoitzak kontzertu bat emango du Donostian datozen hilabeteotan, hiru espazio hauetako batean: Tabakalerako Kutxa Kultur Kluba aretoan, Viktoria Eugenia Antzokiko Klub aretoan edo Altxerri tabernan. Astelehenean (hilak 16) izango da lehenengo kontzertua, eta martxoaren 21ean izango da azkena.
Kutxa Kultur Kluba aretoko kontzertuak ikusteko, sarrerak erosi behar dira; 3 euroan webgunean aurrez erosita edo 5 euroan leihatilan. Beste bi espazioetakoak, aldiz, doan izango dira, baina Viktoria Eugenia Antzokiko Klub aretoko emanaldietarako gonbidapena eskatu beharko da kontzertuaren egunean bertan, antzokiko leihatilan, 17:00etatik aurrera.
Jarraian, tokiko taldeen hautaketa prozesuko kontzertuen egutegia:
- Urtarrilak 16: Lutfi Jakfar’s Sixth Trio, Viktoria Eugenia Antzokiko Klub aretoan, 19:30ean.
- Urtarrilak 26: Trio Nordeste, Kutxa Kultur Kluba aretoan, 19:30ean.
- Urtarrilak 30: Xavi Maldonado and David Cid Quartet, Viktoria Eugenia Antzokiko Klub aretoan, 19:30ean.
- Urtarrilak 31: Mikel Legasa’s Quintet, Kutxa Kultur Kluba aretoan, 19:30ean.
- Otsailak 6: Isla Trio, Altxerrin, 19:30ean.
- Otsailak 7: Les Cuisineres, Viktoria Eugenia Antzokiko Klub aretoan, 19:30ean.
- Otsailak 8: Xahu, Altxerrin, 19:30ean.
- Otsailak 12: Amaika Rude, Viktoria Eugenia Antzokiko Klub aretoan, 19:00etan.
- Otsailak 13: Brian Aching Project, Altxerrin, 19:30ean.
- Otsailak 14: Kinkfolk, Altxerrin, 19:30ean.
- Otsailak 16: Aldakan, Kutxa Kultur Kluba aretoan, 19:30ean.
- Otsailak 20: Arnaud Labastie Trio, Viktoria Eugenia Antzokiko Klub aretoan, 19:30ean.
- Otsailak 23: Ura Duo, Kutxa Kultur Kluba aretoan, 19:30ean.
- Martxoak 9: Motelas, Kutxa Kultur Kluba aretoan, 19:30ean.
- Martxoak 21: Fuakata!, Altxerrin, 19:30ean.
