Emakumeen Etxeak ikastaroen programa berria prestatu du 2023rako
Okendo kalean dago Emakumeen Etxea. 
Urte berriarekin batera, Emakumeen Etxeak ikastaroen programa berria jarri du martxan. Ikastaroetan izen ematea urtarrilaren 13tik 23ra arte egin ahal izango da, www.donostiakoemakumeenetxea.com eta www.donostia.eus/berdintasuna webguneetan. Betetzen ez diren ikastaroen izen emate epea, ikastaroa hasi arte luzatuko da. Ikastaro guztiak doakoak dira.
Honako aukerak proposatu ditu Emakumeen Etxeak ikastaroetarako: Podcast feminista, Biodantza feminista, Aliantza feministak sortzeko elkarrizketak, Autodefentsa feminista tailerrak, Tratu onean oinarrituta maitatzea eta zaintzea, Xilografia sormen tailerra eta Filofeministak tailerra.
