Ikatzen ere jaitsi dute bandera
Ikatz kaleko bandera jaitsieran Jonpa Albisu izan dute gogoan. 
Alkateak Plaza Berrian egin duen moduan, Parte Zaharrekoek ere bandera jaitsi dute Ikatz kalean, 2023ko San Sebastian egunari bukaera emateko. 01:00ak aldera egin dute bandera jaitsiera, goraino beteta zegoen Ikatz kalean, Arrano elkartearen aurrean.
Denek batera abestu dute San Sebastian martxa, eta 2019ko abuztuan zendutako Jonpa Albisu euskaltzalea izan dute gogoan, oso pertsona maitatua baitzen auzoan. Haren kartoizko figura bat ere atera dute, tamaina errealekoa.
Jarraian, Ikatzeko bandera jaitsieraren bideoa:
