Zuhaitz landaketa egingo dute igandean Loiolako Erriberako dorreak eraiki nahi dituzten lekuan
Sahatsa, Loiolako Erriberan. (Argazkia: Eli Iparragirre) 
Erriberak Martxan elkarteak eta Haritzalde naturzaleen elkarteak antolatuta, zuhaitz landaketa egingo dute igandean Sahatsan, Loiolako Erriberako dorreak eraiki nahi dituzten lekuan. “Dorrerik gabeko espazio bizigarri baten aldeko zuhaitz landaketa izango da”, aldarrikatu dute elkarteek. 11:30ean ekingo diote lanari.
Elkarteek interesa duen orori luzatu diote landaketan parte hartzeko gonbidapena, eta izenik eman behar ez denez, nahikoa izango da igandean, 11:30ean, bertara joatea.
