Morlanstarrak auzo elkarteak kezka adierazi du auzoan jazotako sutearen inguruan
Leire plaza, Morlansen. (Argazkia: Iñaki Agirre) 
Atzo Morlans auzoan emandako gertakariak, kezka larria sorrarazi dio Morlanstarrak Auzo Elkarteari. Sute bat izan zen auzoan, eta emakume bat larri zauritu zen.
Auzo elkartearen ustez, gertaera “ez da inondik inora gertaera solte edo isolatua”, eta joan den igandean auzoan izandako beste sute bat aipatu dute. Aurrekoan, ez zen inolako ezbehar pertsonalik gertatu, ordea, oraingoan ez da horrela izan.
Auzo elkarteak kezka adierazi du sare sozialetan zabaldutako mezuaren bidez, eta egoera hauen salaketa egiten aritu dela jakinarazi du. Salaketaz gain, eskura dituzten baliabideak erabiltzen jarraituko duela adierazi dute, bizilagunekin batera jardunez.
Erlazionatutako edukiaEmakume batek zauri larriak pairatu ditu Morlansko sute batean
