Norteko tren geltokiko eraikina desmuntatzen hasi dira
Norteko geltokiaren fatxada. (Argazkia: Nerea Lizarralde) 
Abenduan hasi zituzten Donostiako tren geltokia eraisteko lanak. Trenbideak kendu eta nasak bota zituzten, eta orain Norteko geltokiko eraikina desmuntatzen ari dira. Ikusmina piztu du herritarren artean, trenbidea gainetik zeharkatzeko zubibidetik jarraitzen ari direlako lanak.
Azaroaren 28an ireki zuten Atotxako behin-behineko geltokia, eta hori da erabiltzaileek orain erabili behar dutena. Horrela, tren zerbitzua Erdialdeko aldean hartzen zutenek aipaturiko pasabidea erabili behar dute Egiako sarbide berri eta bakarrera joateko.
Atotxako geltokia Abiadura Handiko Trenaren (AHT) Donostiako geltokia izango da, eta, horregatik egiten ari dira lanak. 2020an adjudikatu zituzten 80 milioi eurogatik, eta orduan itxi zuten Egiako tunela. Haren ordezko goiko behin-behineko pasabidea 2020ko urriaren 13an ireki zuten. Ondo bidean, Atotxako behin betiko geltokia 2024ko urtarrilerako irekita egotea aurreikusten du Eusko Jaurlaritzak.
