Sute bat izan da Amara Berrin
Suhiltzaileak Armeria plazan, sutea itzaltzeko lanetan. 
Sute bat piztu da astelehen arratsaldean Amara Berriko Armeria plazako atiko batean, baina dagoeneko kontrolpean dago. Sutearen eraginez, ke dezente atera da, eta bizilagun batzuk euren etxeetatik atera dira, badaezpada. Hala ere, suak soilik atiko horretan izan du eragina.
Suhiltzaileak bertaratu dira, eta 16:30erako sutea kontrolpean zuten. Halaber, ez da zauriturik egon, eta suak ez du kalterik eragin eraikinaren egituran, suhiltzaileek jakinarazi dutenez.
