Gipuzkoako ostalaritzan KPIaren araberako soldata igoerak bermatzea lortu du ELAk
(Argazkia: ELA) 
ELA sindikatuak aurreakordioa lortu du Gipuzkoako ostalaritzako patronalarekin, sektoreko hitzarmen kolektiboa sinatzeko. Hitzarmena bihar sinatuko dute, 17.000 langileri eragingo die eta 2026ra arte egongo da indarrean.
Sindikatuak %55eko ordezkaritza du sektorean. Hitzarmenak hainbat hobekuntza jasoko ditu: KPIren araberako soldata igoerak eta lanorduen kontrola. Akordioari esker, bost langile edo gehiago dituzten enpresek fitxatzeko sistema bat izan beharko dute. Historikoa da hori ELArentzat, lehen aldiz mugak jarriko baitizkie lanaldien luzapenari dagokionez gertatu diren gehiegikeriei. Soldata igoera garrantzitsuez gain, kolektibitateak sektorean 80 orduko lanaldi murrizketa adostu da. Sektore horretan emakumeak dira nagusi, eta gehienek lanaldi partzialak dituzte.
Hitzarmenaren xehetasun gehiago hemen irakur daitezke.
