Abian da Altzako bertsopaper lehiaketa
Abian da Altzako XIII. Arantza Hernandez Ezeiza Bertsopaper Lehiaketa, eta lanak bidaltzeko epea maiatzaren 10era arte egongo da zabalik (10a barne). Gaia eta neurria askeak izango dira, baina sorta bakoitzak gutxienez hiru bertso izan beharko ditu, eta gehienez zortzi. Lanak bizarrain@altza.net helbidera bidali behar dira.
Epaia maiatzaren 15ean emango dute ezagutzera, eta irabazleak 200 euroko saria eta Altzako produktuen otarra irabaziko ditu. Bestalde, lehiaketan parte hartzen duen Altzako bizilagun onenak otar bera eta Lau Haizetara eskultura irabaziko ditu.
