'Las buenas compañías', ' The Lost Souls of Syria' eta 'Yellow' lanak saritu dituzte
'Las buenas compañias' filma. 
Donostiako Giza Eskubideen 20. Zinemaldiaren palmaresaren berri eman dute. Las buenas compañías (Sílvia Munt; Espainia-Frantzia, 2022) filmak eskuratu du Ikusleen Saria Film Luze Onenari.
The Lost Souls of Syria (Stéphane Malterre eta Garance Le Caisne; Alemania-Frantzia, 2022) pelikulak Amnesty International erakundeak banatzen duen Film Onenari Saria irabazi du eta Elham Ehsas zuzendariaren Yellow (Afganistan-Erresuma Batua, 2022) film laburrak Gazte Epaimahaiaren Film Labur Onenari Saria, 3000 euroko ordainsaria duena.
Gaur 20:00etan, Viktoria Eugenia Antzokian banatuko dituzte sariak, eta ondoren zinemaldiari bukaera emango dion Toi non plus tu n’as rien vu (Béatrice Pollet, 2022) filma proiektatuko dute.
