Irisgarritasuna hobetzeko obrak hasi dituzte Marañon Doktorearen pasealekuan
Marañon Doktorea pasealekua. 
Irisgarritasuna hobetzeko eta Marañon Doktorearen pasealekua berrurbanizatzeko lanak hasi dituzte. Esku hartzea Aiete pasealekuaren eta Erramondegi eraikineko aparkalekuaren artean ari dira egiten.
Pasealeku horretan espaloi estu bat dago, eta horrek “zaildu” egiten du pertsonen joan etorria, batez ere haurren autoekin edo gurpil aulkian doazenena. Aieteko auzo elkarteak bide hori hobetzeko esku hartzen bat egitea eskatu zuen, eta lan horiei esker, “oztopo arkitektonikoak eta espaloitik igarotzea zailtzen duten 26 zuhaitz kenduko dituzte”, Miguel Angel Diez Hiri Mantenimenduko zinegotziak azaldu duenez. Zuhaitz horien ordez, tamaina txikiagoko 21 zuhaitz berri landatuko dituzte, “etorkizunean arazorik ez izateko”. Lanak osatzeko, espaloietako eta aparkatzeko eremuetako zoladurak berrituko dira.
Era berean, eta Mugikortasun Sailarekin koordinatuta, trafikoen noranzkoa berrantolatuko dute, Jauregi kalearen eta Aieteko pasealekuaren artean. Horrela, Jauregi kalearen eta Goiko Galtzada Berri kalearen arteko bidegurutzearen noranzkoa kenduko da, “segurtasuna hobetzeko eta inguruko gatazka egoerak saihesteko”.
Lanek 312.753,32 euroko aurrekontua izango dute, eta aste honetan hasi eta bi hilabetez luzatuko dira.
