Lorategietatik kendutako loreen doako banaketa egingo dute
(Argazkia: Donostiako Udala)Donostiako Udala 
Bihartik ostiralera bitarte, parke eta lorategien udal departamentuak orain erretiratzen diren lore eta landareak banatuko ditu, udako landaketa berriaren aurreko urrats gisa. Bihar, hilak 17, Ramon Labaien plazan banatuko dituzte. Etzi, Ondarreta pasealekuan eta ostiralean, Pio XII.aren plazan. Aurreikusitako ordutegia 10:00etatik 14:00etara izango da.
22.000 erraboil nartziso, tulipan eta hiazinto erretiratu dira hiriko lorategietatik, eta 30.000 landare neguko denboralditik. Doan emango dira ontzi konpostagarri eta birziklatuzko poltsa batean.
Udako denboraldiko landaketa ekaineko lehen astean egingo da.
