Frontenis txapelketa egingo dute Intxaur jaietan
2022ko Intxaur jaietako herri bazkaria. (Argazkia: Beñat Parra) 
Gerturatzen ari dira pixkanaka Intxaur jaiak (ekainaren 30etik uztailaren 2ra izango dira), eta jai batzordeak frontenis lehiaketa antolatu du aurten estreinakoz. Izen ematea zabalik egongo da igande honetara arte, hilaren 28ra arte, alegia. 688-85 88 63 telefono zenbakira Whatsapp bidez idatzi behar da izena emateko, bikotearen izen-abizenak adieraziz.
Binakakoa izango da txapelketa, eta bikote bakoitzak bost euro ordaindu beharko ditu izena emateko. Txapelketa ekainean zehar jokatuko dute Raul Lucas frontoian (anbulatorioaren ondoan dagoena), eta finala uztailaren 1ean jokatuko dute han bertan. Bikote irabazleak txapela eta ardo lotea irabaziko du.
