Dbusek aldaketak egingo ditu Uliako taxi-autobus zerbitzuan
Uliako taxi-autobus zerbitzurako erabiltzen duten ibilgailua. 
Ekainaren 1etik aurrera, Dbusek aldaketak egingo ditu Gros eta Ategorrieta lotzen dituen Uliako taxi-autobus zerbitzuan. Berriki egin den lizitazioaren ondoren, Dbusek emango du zerbitzua, Lanchas Bus enpresaren bidez.
Zerbitzuak beste telefono bat izango du erreserbak egiteko: 943-93 02 83. Telefono horrek aurreko zenbakia ordezkatuko du. Telefonoz arreta egiteko ordutegia 6:15etik 22:00etara izango da, egunero. Era berean, maiatzaren 31ra arte emateko diren zerbitzuetarako erreserbak egun dagoen telefonoan egingo dira (943 46 46 46). Horrez gain, oraindik ere erreserbak Dbusen webgunean egiteko aukera egongo da. Orain arte bezala, erreserbak gutxienez 30 minutuko aurrerapenez egin beharko dira, eta gehienez 7 eguneko aurrerapenez.
Bestalde, Colon pasealekuko irteera orduak aldatuko dira, bost minutu aurreratuta. Uliako aterpetxetik irteera orduak ez dira aldatuko.
