Erin Whalen jokalaria (kamiseta zuriduna), partida batean. Ibaeta Basketek Erin Whalen hegaleko pibot estatubatuarra (Ipar Carolina, AEB, 1997) fitxatu du Ibaeta Basketek, eta klub donostiarraren elastikoa jantziko du 2023-2024ko denboraldian. Vanderbliteko unibertsitatean hasi zuen bere kirol ibilbidea, eta denboraldi batez han jokatu ondoren, Daytongo unibertsitateko Flyers taldera joan zen. Hiru denboraldiz aritu zen han eta beste denboraldi batez Zeelanda Berriko Indiana Feverren. Denboraldia honetan ezagutu du Espainiako Liga, Bembibren jokatu baitu.
Horrela, azken denboraldian 14,1 puntu sartu ditu partida bakoitzeko batez beste, bost errebote hartu ditu, zelaiko jaurtiketen %43,4 sartu ditu, hirukoen %38,9 eta jaurtiketa libreen %84,6.
Bajak eta altak
Berriki, taldea utziko duten hainbat jokalariren berri eman du Ibaeta Basketek: Mariam Coulibaly, Joy Adams, Cristina Soriano, Alima Dembele, Nicole Cardaño, Natalia Rodriguez, Claudia Cuic eta Paula Estebas. Bestalde, Whalenen fitxaketaz gain, Alba Prieto eta Lara Gonzalez fitxatu ditu orain arte klub donostiarrak, eta Yurena Diaz eta Maria España kapitainen kontratuak berritu ditu.
