Ulia mendian desagerturiko gizon baten bila dabiltza
Uliako bilaketan parte hartzen ari dira Gurutze Gorriaken talde bat. 
SOS Deiak larrialdietako zerbitzuak jakinarazi duenez, 64 urteko gizon baten bila dabiltza Ulia mendian. Jose Maria Lete Zarraoa da desagerturikoa, eta haren familiak bart gauean ohartarazi zuen ez zela etxeratu. Hain zuzen ere, atzo arratsaldean etxetik atera zen, eta Ulia mendian eta inguruetan egon daitekeela jakinarazi dute.
Leteren xehetasunak ere eman dituzte, baten batek ikusten badu abisatzeko. 1,70 metroko garaiera du, argala da, ile beltz zuritua du eta betaurrekoak ditu. Desagertzerako unean, honela zegoen jantzita: galtza luze urdinak, alkandora zuria karratu urdin eta berdeekin, txaketa urdin bat, sandaliak eta gerriko poltsa bat.
Erlazionatutako edukiaUliako bilaketan hildako bat aurkitu dute, baina ez da desagerturiko gizona
