Bi pertsona artatu behar izan dituzte garaje batean izan den suteko kea arnasteagatik
(Argazkia: Lide Ferreira) 
Bi pertsona ospitalera eraman dituzte Bidebietako Frantses kaleko garaje batean piztutako sute batean kea arnasteagatik, Segurtasun Sailak jakinarazi duenez. Ezbeharra 00:45 aldera gertatu da, kale horretako 24. zenbakian. Suhiltzaileak, Ertzaintza eta anbulantzia bat bertaratu dira, eta bi pertsonak ospitalera eraman dituzte.
Keak eraikineko hainbat etxebizitzatan kalteak eragin ditu, eta bizilagunak etxetik atera behar izan dituzte ordu batzuetarako. Sutearen ondorioz, garajean aparkatuta zeuden bi ibilgailu kaltetu dira.
