Hiru pertsona zauritu dira Ategorrietan izandako auto istripu batean
Ategorrietan izandako istripuan hiru pertsona zauritu dira. (Argazkia: Irutxuloko Hitza) 
Hiru pertsona zauritu dira Ategorrietan eguerdian gertatu den istripu batean. Azkar zihoan Ertzaintzaren auto batek talka egin du beste ibilgailu batekin Bordatxipi, Atarizar eta Jose Elosegi Alkateraten kaleen artean. Ondorioz, zirkulazioa erabat eten behar izan dute bi norabideetan, baita oinezkoentzat ere. Hala ere, dagoeneko berrezarrita dago zirkulazioa.
Ertzaintzaren autoak jo duen ibilgailuan hiru heldu eta haur txiki bat zeuden: 62 urteko gizon bat eta emakume bat, 37 urteko emakume bat eta urtebeteko haur bat. Udaleko iturriek jakinarazi dutenez, haurra onik dago, baina hiru helduak zaurituta zeudenez, ospitalera eraman behar izan dituzte laurak. Suhiltzaileek atera behar izan dituzte autotik hiru helduak.
