Indabe taldeak 'Noiz arte?' lehen singlea kaleratu du
'Noiz arte?' singlearen portada. (Argazkia: Indabe Taldea) Antiguako Indabe taldeak Noiz arte? deituriko single berria kaleratu du, aurrerago kaleratuko duten maketaren lehenengo zatia izango dena. Singlea ekoizteko lanak Jon Iriartek egin ditu. Antigua auzoko lau gaztek osatutako taldea da: Amaia, Nora, Uxue eta Peru dira taldekideak, baxua, gitarrak eta bateria, hurrenez hurren. 2021 sortu zuten taldea.
Orain arte, Gipuzkoako gaztetxe eta jaietan ibili dira kontzertuak ematen. Beste euskal talde batzuen estiloaren eragina izan dute singlea sortzerakoan, Tatxers, Berri Txarrak, Lamiak eta Etxekalte, adibidez. “Euskal panoramari ekarpena egiteko gogotsu etorri gara”, adierazi dute taldekideek. Hurrengo kontzertua Antiguako San Joan jaietan izango da, datorren larunbatean.
Lehenengo abesti honetan oso argi utzi dute zein den bere estiloa: rocka. Abestian, ahotsa eta instrumentu desberdinak ondo nahasten dituzte, letrari garrantzia emanez. Hurrengo kontzertuetan abesti honetaz gain, beste taldeetako bertsioak abesten jarraituko dute, orain arte egin duten moduan.
