Jose Luis Zubizarreta izango da Gipuzkoa Basketeko kirol zuzendaria
Jose Luis Zubizarreta. (Argazkia: Gipuzkoa Basket) 
Gipuzkoa Basketek iragarri duenez, Jose Luis Zubizarreta Xubi izango da klubeko kirol zuzendaria aurrerantzean. “Berak kargua hartzeak Gipuzkoako saskibaloia garatzeko eta sustatzeko konpromisoa sendotuko du”, nabarmendu du klubak. Ibilbide luzeko profesionala da Zubizarreta, 40 urte inguru baitaramatza Iraurgiko buru gisa.
Aldaketa garaiak bizitzen ari da Gipuzkoa Basket, joan den astean iragarri baitzuen Aitor Uriondo kirol zuzendariak eta Ibon Muñoz zuzendari nagusiak ez zutela jarraituko, eta Lolo Encinas entrenatzaileak taldea utzi du aste honetan.
