Donosti Cupek belodromoko pistan eragindako kalteak ordaindu beharko ditu
Belodromoko pistan jaso gabe utzitako zaborra. (Argazkia: @mobiuscid) 
Donostiako belodromoaren erabiltzaile baten salaketak zeresana eman du sare sozialetan. Donosti Cup futbol lehiaketak belodromoko pistan eragindako kalteak erakutsi ditu Twitterren. Izan ere, jangela gisara erabili zuten belodromoa hilaren 3tik 9ra, txapelketak iraun bitartean. Horren aurrean, Donostia Kirolakek jakinarazi du belodromoa garbitu eta kalteak konponduko dituztela, eta horien kostua Donosti Cupek ordaindu beharko duela.
Estado del Velódromo de Donostia, tras el paso de la @donosticup (se utilizó como comedor). Se marcharon sin limpiar y causaron daños. Resultados de una falta de Plan de Limpieza para eventos, y la dejadez institucional de @donostia_kirola, absolutamente inaceptable. pic.twitter.com/0euv6kSCkk
— Pablo (@Mobiuscid) July 11, 2023
Donosti Cupek, berriz, barkamena eskatu du sare sozialen bidez: “Urtero jangela desmuntatzean, belodromoa garbitzeaz arduratzen den enpresa arduratzen da azken garbiketaz, eta guk ordaintzen dugu lan hori. Aurten, jantokia igande eguerdian desmuntatu zenez, uste dugu astelehen goizera arte ez zela garbiketa egingo. Sentitzen ditugu instalazioaren erabiltzaileei eragindako eragozpenak”.
