AñorgARTEA espazioa inauguratu dute Museum Cemento Rezolan
Irailaren 29ra bitarte Añorgako Shanti Pagola artistaren 'Marketeriaren mugan' erakusketa egongo da ikusgai.
(Argazkia: Museum Cemento Rezola) 
Hemendik aurrera, Añorgako bizilagunen proposamenak eta lan artistikoak ikustarazteko gune bat izango du Museum Cemento Rezolak: AñorgARTEA. Gaur inauguratu dute espazio berria, eta Añorgako Shanti Pagola artistaren Marketeriaren mugan erakusketarekin zabaldu dute. Pagola 1939an jaio zen Añorgan, eta 1975etik dabil egurra lantzen: erakusketa artistak marketerian egindako lanen aukeraketa bat da.
Horrez gain, Añorgarekin lotura zuzena duten beste hiru erakusketa ere ikusgai daude: Añorga Escolar, auzoko aldizkaria, Hariak sortzen —Amasorraingo ikasleekin batera sortua— eta Biodibertsitatea harrobietan.
