Bandera eta lidergoa Arraun Lagunakentzat
Donostia Arraun Lagunakek denboraldiko bigarren bandera lortu zuen Bilbon larunbatean. Atzo, aldiz, bigarrena izan zen, eta Donostiarrakeko neskek ezin izan zuten parte hartu. Mutiletan, Donostiarrak larunbatean laugarren egin zuen; atzo, aldiz, hirugarren.
Donostia Arraun Lagunakek Bilbo Hiria bandera irabazi zuen. (Argazkia: ACT) Asteburu honetan, Bilbon eta Orion izan dira arraunlariak, bosgarren eta seigarren jardunaldien lehian. Larunbatean, nesketan Arraun Lagunak, eta mutiletan Hondarribia izan ziren garaile; atzokoan, berriz, banderak Oriorentzat eta Urdaibairentzat izan ziren. Ligetako sailkapenak oso estu daude goialdean, eta dagoeneko ohorezko txandetako taldeak aldea ateratzen hasi dira beste traineruekiko.
Larunbatean, Bilbo Hiria banderaren bila aritu ziren Ibaizabalen, denboraldiko erlojupeko bakarrean. Nesketan, Arraun Lagunakek hasieratik amaierara estropada kontrolatu zuen, eta denboraldiko bigarren garaipena lortu zuen. Donostiarra hiru segundotara sailkatu zen. Estropadako denborari erreparatuz, Arraun Lagunekek hirugarrenez errekorra lortu zuen, eta 10:24 izan zen amaierako denbora. Bere aurreko urteko denborarik onena 10:31 zen. Mutiletan, Hondarribiak bandera eskuratu zuen eta lider berria bihurtu zen, Bilbon eskuratutako puntuei esker. Donostiarra laugarrena izan zen, hamasei segundora, eta bigarren txandan aritu zen arren, igandeko ohorezko txandan sartzea lortu zuen.
Atzo, Orioko uretan, emaitzak oso desberdinak izan ziren. Nesketan, zazpi traineru aritu ziren. Donostiarra kanporatua izan zen, zamarekin arazoak izan zituelako. Teknologiaren tresneria dela eta, traineru guztiei zama azterketak egiten dizkiete estropada hasi baino lehen, eta atzo gertatu zen moduan, Donostiarrak ez zuen behar besteko zama jarri beste traineruekin parekatuta egon zedin. Epaileek irteeran egin zuten traineruaren azterketa, eta ordurako prest ez zeudenez kaleratuak izan ziren. Donostiarraren kaleratzeak asko aldatu zituen Orioren eta Arraun Lagunaken jokaerak, eta sailkapena kontuan hartuta, oso garrantzitsua zen garaipena lortzea. Oriok lortu zuen etxeko bandera, 11:16ko denbora egin zuen, eta Arraun Lagunak bigarrena izan zen, bederatzi segundotara.
Mutilen kasuan, Orioko Kanpina bandera Urdaibairentzat izan zen, olatuak aprobetxatu zituzten, eta sekulako aldea atera zieten beste traineruei. Hondarribiak eta Donostiarrak lehia estua izan zuten bigarren postuagatik, baina azkenean berdeentzat izan zen, ehunekoengatik. Emaitza honekin, Hondarribiak lidergoan jarraitzen du 54 punturekin, eta Urdaibaik aldiz, bi gutxiago ditu. Asteburu honetan lortutako puntuei esker, Donostiarrakeko mutilak laugarren postura igo dira, bost estropada hauetan 39 puntu eskuratuz.
KAE 2 ligan Donostiarra B garaipenetik oso gertu izan zen atzo Portugaleten jokatu zen banderan, eta bigarrenak izan ziren hamasei segundotara, Portugaleteren atzetik. Larunbatean, Orion jokatu zen banderan, laugarrenak izan ziren. Kasu honetan, Orioren bigarren taldearekiko hamazazpi segundotara. Emaitza hauekin, Donostiako ontziak sailkapenean gora egin du, eta datozen jardunaldiei begira, lortutakoak indarra emango die.
