Egiako merkatariek azoka egingo dute larunbatean Blas de Otero plazan
Egiako tokiko merkatariak Blas de Otero plazan bilduko dira larunbatean, hiri merkatu alternatiborako Merkaioa azokan. San Sebastian Shopsek, hiri merkataritzako plataformak, Egiako Merkatarien Elkartearekin eta Kaioa tabernarekin elkarlanean antolatu du azoka hau, bigarrenez.
Hogei postu egongo dira mota guztietako artikuluak eskaintzeko: lehen mailako markak, artisautza, bigarren eskuko artikuluak, ilustrazioak, artelanak eta abar.
Gainera, egunean zehar zuzeneko musika emanaldiak eskainiko dituzte, plaza girotu eta dinamizatuko dutenak. Azoka 11:00etatik 20:00ak arte egongo da zabalik.
