Pilota jaialdiarekin hasi dituzte Zubietako herri jaiak
Zubietako pilota jaialdia egin zuten igandean. (Argazkia: Jexux Arrillaga) 
Esku pilota jaialdia egin zuten atzo, uztailak 23, Zubietan. Nesketan, Larrarte-Erasun bikoteak 22-17 irabazi zuen Mendizabal eta Arrillagaren aurka. Mutiletan, aldiz, Artetxe-Goñi II.a bikotea izan zen garaile, Urmenetari eta Arangureni 30-27 irabazi ostean.
Atzoko beroketaren ostean, gaur emango zaie Zubietako jaiei hasiera ofiziala, 18:00etan, txupinazoarekin. 20:00etan, Bingoa egingo dute, eta ondoren herri afaria, Zubietako Pilota elkartearen eskutik. Gaua girotzeko, Laiotz taldearekin dantzaldia izango da.
Uztailaren 31ra arte, jaietan murgilduta egongo da Zubieta, eta hemen ikus dezakezue egitaraua.
