Dbusen zerbitzuak aldaketak izango ditu asteburuan Donostiako Klasikoa dela eta
Bulebarreko autobus geltokiak lekualdatuko dituzte. (Argazkia: Irati Salsamendi) 
Datorren ostiralean eta larunbatean, Donostiako Klasikoarengatik Dbuseko hainbat zerbitzuk aldaketak izango dituzte. Ostiralean, 09:00etan, Bulebarra itxiko dute, eta bertako autobus geltokiak Okendo eta Legazpi kaleetara, eta Gipuzkoa plazara lekualdatuko dituzte. Larunbatean, autobusen zerbitzuak 06:15etatik 18:45etara aldaketak izango ditu, eta lasterketa amaitu arte erdialdeko kale nagusiak moztuta egongo dira.
18:45etatik aurrera, Okendo kalearen eta Gipuzkoa plazaren inguruko geltokiak zabaltzen joango dira, apurka-apurka. Bulebarra itxita egongo da, baina gainerako kaleak irekita egongo dira. Beraz, autobus lineen ibilbide bukaerako geldialdiak Okendo kalearen eta Gipuzkoa plazaren inguruan egingo dira.
Hemen, linea bakoitzeko ordutegi aldaketak.
