Aimar Alarciak Iruñerriko Itzulia irabazi du
Aimar Alarcia maillot berdearekin, bere taldekideekin batera. (Argazkia: Iruki Donostialdea Bizikletan) Iruki Donostialdea Bizikletan taldeko Aimar Alarcia donostiarrak Iruñerriko Itzulia irabazi du, itzuliko lau etapetan izugarrizko maila erakutsi ostean. Hirugarren etapan sailkapen orokorreko maillota eskuratu zuen, eta astearteko azken etapan liderraren maillotari eustea lortu zuen. Amaierako sailkapen orokorrean, bigarren sailkatu zen Hector Alvarezi bi segundo atera zizkion Alarciak.
Lau etapetan lehenengo hogeiren artean sailkatu da Alarcia, eta aste osoko saria jaso zuen asteartean Iruñerriko Itzulia irabazita. Gainera, bere taldekideek egindako lana goraipatzekoa da. Tasio Senperenak azkenengo etapan tarteko helmugen saria irabazi zuen, eta sailkapen orokorrean 56. postuan amaitu zuen.
