Porrontxo jaietako pala eta pilota txapelketetarako izen ematea ireki dute
2022ko Porrontxo jaietako pala txapelketa. (Argazkia: Nerea Redondo/Gordegia) Oraindik Porrontxo jaietarako hilabete falta den arren, dagoeneko Egiako jaietako aurtengo bikotekako pala eta pilota txapelketan izena eman daiteke, hilaren 13ra arte. Egialai elkarteak antolatzen duen txapelketa hilaren 28an hasiko da eta finalak irailaren 17an jokatuko dituzte, festetako asteburuan. Gizonezkoen eta emakumezkoen txapelketaz gain, mistoa ere antolatu dute palan eta pilotan. Izen ematea Koskorrio eta Kata tabernetan egin daiteke, eta apuntatzerakoan ezinbestekoa izango da kuadrilla baten izenean egitea.
