Bera Berak etxean hasiko du liga
Bera Beraren denboraldiaurreko partida bat. (Argazkia: Bera Bera) 
Denboraldiaurrean motorrak berotu ostean, Bera Berak larunbatean jokatuko du ligako lehenengo partida. Etxean izango da, 19:00etan, eta Granollers izango du aurkari. Iaz kopa eta superkopa irabazi ostean, aurten liga ere irabazi nahi dute, Alba Menendez kapitainak azaldu duenez: “Helburuak betikoak dira: liga irabaztea, kopa irabaztea, superkopa irabaztea eta Europan aurrera egitea”.
Bestalde, futbolean, Realeko mutilek ligako laugarren jardunaldia jokatuko du larunbatean Anoetan, Granadaren aurka, 14:00etan. Hiru berdinketa jarraian eskuratu ostean, bolada horrekin hautsi eta puntuak hirunaka batzen hasi nahi du Imanol Alguacilen taldeak. Neskek denboraldiaurrearekin jarraitzen dute, eta igandean Euskal Herria Kopako finala jokatuko dute Athleticen aurka, 16:00etan, Guardian (Araba).
Pilotari dagokionez, Donostia Hiria Torneoaren finala jokatuko da gaur (hilak 1), Atano III.a pilotalekuan. Jaka-Mariezkurrena II eta Altuna III-Rezusta bikoteak ariko dira finalean, 21:15ean.
PARTIDAK
Eskubaloia
Emakumezkoen ohorezko maila, 1. jardunaldia
- Bera Bera – Granollers (larunbata, 2, 19:00).
Futbola
Gizonezkoen liga, 4. jardunaldia
- Reala – Granada (larunbata, 2, 14:00).
Emakumezkoen Euskal Herria Kopako finala
- Reala – Athletic (igandea, 3, 16:00).
Pilota
Donostia Hiria Torneoko finala
- Jaka-Mariezkurrena II – Altuna III-Rezusta (ostirala, 1, 21:15)
