Tito Marcelino entrenatzailea Txuri Urdinera itzuli da
Tito Marcelino entrenatzailea. (Argazkia: Txuri Urdin) 
Luis Tito Marcelino izotz hockeyko entrenatzailea Txuri Urdinera itzuli da, gizonezkoen taldeko gidaritza hartzeko. Klub donostiarreko mutilek bere aginduetara irabazi zituzten azken tituluak, bi kopa eta hiru liga, azkena 2019an.
Hain zuzen ere, taldeko entrenatzailea izan zen bost denboraldiz, 2019ra arte. Ordea, klubak bere kontratua ez berritzea erabaki zuen; orain, aldiz, bueltan ekarri dute, Alain Iturralderen lekukoa hartzeko.
Pasa den denboraldian ligan seigarren gelditu ostean, klubak iragarri du jokalari berriak edukiko dituztela aurten, eta “proiektu anbiziotsu bat” prestatzen ari direla 2023-2024ko denboraldira begira, bai gizonezkoetan eta bai emakumezkoetan.
