Bera Berak Malagaren aurka galdu du
Bera Beraren eta Malagaren arteko partidaren une bat. (Argazkia: Bera Bera) 
Bera Bera ligako lehenengo porrotarekin itzuli da Andaluziatik, Malagaren aurka 26-21 galduta. Lehenengo hamabost minutuak pasatuta, 10-2 galtzen ari ziren donostiarrak, eta alde horri buelta eman ezinik ibili ziren neurketa guztian zehar.
Bera Bera saiatu zen, baina Castellanos atezainak partida bikaina egin zuen, eta etxekoek garaipenari eutsi zioten. Andaluziarrak donostiarren aurretik daude orain ligan, hirugarrena baita Malaga eta laugarrena Bera Bera. Hala ere, Imanol Alvarezen taldeak partida bat gutxiago jokatu du, eta denboraldia hasi baino ez da egin.
